ജോനായുടെ അടയാളം • അനുതാപത്തിനുള്ള ആഹ്വാനം

ജനക്കൂട്ടം തടിച്ചുകൂടിയപ്പോൾ യേശു അരുളിച്ചെയ്തു: ഈ തലമുറ ദുഷിച്ച തലമുറയാണ്. അത് അടയാളം അന്വേഷിക്കുന്നു. എന്നാൽ ജോനായുടെ അടയാളമല്ലാതെ മറ്റൊരു അടയാളവും ഇതിനു നൽകപ്പെടുകയില്ല. ജോനാ നിനവേക്കാർക്ക് അടയാളമായിരുന്നതുപോലെ മനുഷ്യപുത്രൻ ഈ തലമുറയ്ക്ക് അടയാളമായിരിക്കും. വിധിദിനത്തിൽ തെക്കൻദേശത്തെ രാജ്ഞി ഈ തലമുറയിലെ ജനങ്ങളോടൊപ്പം ഉയിർത്തെഴുന്നേറ്റ് ഇവരെ കുറ്റം വിധിക്കും; കാരണം, സോളമന്റെ ജ്ഞാനം കേൾക്കാൻ ഭൂമിയുടെ അതിർത്തികളിൽനിന്നു പോലും അവൾ വന്നു. എന്നാൽ ഇതാ, സോളമനിലും വലിയവൻ ഇവിടെയുണ്ട്! വിധിദിനത്തിൽ നിനവേക്കാർ ഈ തലമുറയോടൊപ്പം എഴുന്നേറ്റുനിന്ന് ഇതിനെ കുറ്റം വിധിക്കും; കാരണം, ജോനായുടെ പ്രസംഗം കേട്ട് അവർ അനുതപിച്ചു. എന്നാൽ ഇതാ, ജോനായിലും വലിയവൻ ഇവിടെയുണ്ട്!